ഹായ് കൂട്ടുകാരെ കുറച്ചു നാളത്തെ ഇടവേളയ്ക്കു ശേഷം തിരിച്ചെത്തിയിരിക്കുന്നു..ഇപ്പോള് അധികം മണ്ടത്തരങ്ങള് ഒപ്പിക്കാത്ത കാരണം കഥകള് കിട്ടാന് വിഷമമാണ്..അത് കൊണ്ട് ഇത്തവണ ഞാന് എന്റെ കൂട്ടുകാരന് വാച്ച് മാന് ( ദാരുണമായ കൊലപാതകം -ത്തില് പ്രതിപാദിച്ചിട്ടുണ്ട്..) അഥവാ സന്തോഷ് അഥവാ വെള്ളി കുട്ടന് ( ഈയിടെയായി വായ തുറന്നാല് ഏതു നേരവും വെള്ളി പറയും ) -ണ്ടെ ഒരു അനുഭവം വിവരിക്കാന് പോകുകയാണ് ...ഇത്തവണ നേരത്തെ അനുവാദം വാങ്ങിച്ചിട്ടുണ്ട് അല്ലെങ്കില് അടി കിട്ടാന് സാധ്യതയുണ്ട്..ഈ കഥയിലും നമ്മുടെ ട്രെയിന് ഉണ്ട് ..ട്രെയിന് ഇല്ലാത്ത ഒരു അനുഭവം ഇവിടെ ആര്ക്കും ഉണ്ടാവില്ല..
ആശാന് പതിവ് പോലെ കാലത്ത് ഓഫീസിലേക്ക് പോകുകയാണ്..ഒരു പ്ലാറ്റ്ഫോമില് നിന്നും അടുത്ത പ്ലാറ്റ്ഫോം- ലേക്ക് കടക്കാനുള്ള എളുപ്പത്തിനു ട്രാക്ക് ചാടി കടക്കുന്നതു നമ്മളുടെ ഒരു വിനോദമാണല്ലോ ..ഇവിടെ നമ്മുടെ നായകനും അതിനു തന്നെ മുതിര്ന്നു..ട്രാക്കിലേക്ക് ചാടിയ സന്തോഷ് കിണറ്റിലേക്ക് ചാടിയ തവളയെ പോലെ ആയി...കേറാന് പറ്റുന്നില്ല...പഠിച്ച പണി പതിനെട്ടും പിന്നെ സ്വയം വികസിപ്പിച്ചെടുത്ത പത്തൊന്പതാമത്തെ അടവും പരീക്ഷിച്ചു...നോ രക്ഷ...
നോ പ്രോബ്ലം ..അപ്പുറത്ത് നില്ക്കുന്ന ആളിണ്ടേ സഹായം വാങ്ങിച്ചു...ചേട്ടാ ആ കയ്യിങ്ങു തന്നെ...എന്താണാവോ അയാള്ക്ക് വല്യ സന്തോഷം...മുംബൈ-ഇല് ഇത്ര സഹായികളായ ആള്ക്കാരും ഉണ്ടോ...
അയാള് നമ്മുടെ നായകനെ കയില് പിടിച്ചു കേറ്റി...thanks പറഞ്ഞു നടക്കാന് തുടങ്ങിയ ആശാന്റെ തോളില് ഒരു കൈ വീണു...നോക്കിയപ്പോള് നമ്മെ സഹായിച്ച ആള് തന്നെ...( വായനക്കാര്ക്ക് വല്ല പിടിയും കിട്ടിയോ..?) അങ്ങേരു നമ്മുടെ സന്തോഷിനെ പിടിച്ചു വലിച്ചു ഓഫീസിലേക്ക് കൊണ്ട് പോകുന്നു...ഇപ്പൊ മനസ്സിലായികാനും...അത് വേറെ ആരുമായിരുന്നില്ല കൂട്ടുകാരെ...നമ്മുടെ സ്ഥിരം വില്ലന് ചെക്കര് തന്നെ....
ഇനി ഇപ്പൊ എന്താ പറയാ..."be careful next time " എന്നാ എന്റെ കഥയില് എന്നോട് ചോദിച്ച പോലെ ദക്ഷിണ വക്കാന് അവനോടും പറഞ്ഞു....അവനും പാപ്പരായിരുന്നു...നിസ്സഹായനായി വെള്ളി കുട്ടന് അയാളുടെ മുകത്തു നോക്കി...പൊതുവേ മുകത്തു കള്ളാ ലക്ഷണം ഉള്ള നായകന്റെ ആ നോട്ടം അവിടെ വിലപോയില്ല..
അവര് അവനെ ആപാദ ചൂടം പരിശോദിക്കാന് തുടങ്ങി...നോ രക്ഷ...അവസാനം ബാഗും തപ്പി...അതിലും ഇല്ല..ആകെ ഉള്ളത് നമ്മുടെ മുന് രാഷ്ട്രപതി A.P.J. അബ്ദുല് കലാം -ന്റെ " അഗ്നി ചിറകുകള് " എന്നാ ബുക്ക് മാത്രം..വില 200/-
ഇത് കണ്ട ചെക്കര്-ന്റെ മുകത്തു ഒരു തിളക്കം മിന്നി മാഞ്ഞു...കാശില്ലെങ്കില് വേണ്ട..ഇതിവിടെ ഇരിക്കട്ടെ എന്ന് അയാള്...സന്തോഷ് ഇത് കേട്ടതും പൊട്ടി കരയാന് തുടങ്ങി ...ഇല്ല കാശ് ഞാന് എത്തിക്കാം ബുക്ക് എനിക്ക് തരണം..( കണ്ടോ രാഷ്ട്ര തലവനോടുള്ള നമ്മുടെ നായകന്റെ സ്നേഹം..അങ്ങിനെ വേണം ഓരോ ഭാരതീയരും..."സന്തോഷ് മഹാന് ഹി ഹായ് ഹോ അയ്യോ"..ചിലപ്പോള് വായനകാരില് ചിലര് ഈ ബുക്ക്-നെ കുറിച്ച് കേട്ട് കേള്വി പോലുമുണ്ടാകില്ല അല്ലെ...അതാണ് സന്തോഷ്...)
അവര് എവിടെ കേള്ക്കുന്നു സന്തോഷിന്റെ കരച്ചില്..ചെക്കര് അവിടെ ഇരിക്കുന്ന മറ്റൊരാളോട് അടക്കം പറയുന്നത് അവന് വിഷമത്തോടെ കേട്ടു.." ഇത് നല്ല ബുക്ക് ആണ്...ഞാന് ഇത് വായിച്ചിട്ടില്ല..."
ബുക്ക് ഇവിടെ ഇരിക്കട്ടെ കാശ് എടുത്തു കൊണ്ട് വാ..അപ്പോള് തിരിച്ചു തരുന്നതായിരിക്കും.." ഇനി ഒന്നും പറഞ്ഞിട്ട് കാര്യമില്ല...200/- രൂപയുടെ ബുക്ക് പോയ വിഷമത്തോടെ സന്തോഷ് ഓഫീസില് നിന്നും പുറത്തു കടക്കുകയാണ്....
അതാ നമ്മുടെ നായകന്റെ മുകത്തു ഒരു പുഞ്ചിരി വിടരുകയാണോ....? എന്ത് ..?
അതെ അവന് ചിരിക്കുകയാണ്...കാരണം..? വേറെ ഒന്നുമല്ല കൂട്ടുകാരെ...ഇത് മുംബൈ ആണ്....200/- രൂപയുടെ ബുക്ക് അവന് വാങ്ങിച്ചത് എത്രക്കാനെന്നറിയാമോ..?
വെറും 40 /- രൂപയ്ക്ക്..!!!!! ലാഭം ആര്ക്കു...? കളി സന്തോഷിനോടോ ...
ഇനി ആര് കാശ് കൊണ്ട് കൊടുക്കാന് പോകും...ബുക്ക് പോണമെങ്കില് പോട്ടെ..ഹ ഹ ഹ ഹ..
ഗുണപാഠം..: മഹാന്മാരുടെ ജീവചരിത്രങ്ങള് നമ്മള് എപ്പോളും വായിക്കണം..പറ്റുകയാണെങ്കില് ഒരെണ്ണം നമ്മുടെ കൂടെ വക്കണം..ഇവിടെ നോക്കൂ..നമ്മുടെ സന്തോഷിനു "wings of fire " എങ്ങിനെ ഉപകാരപെട്ടു എന്ന്..
ഭാവിയില് ഞാന് എന്റെ ജീവിത കഥ എഴുതുമ്പോള് നിങ്ങള്ക്കും ഓരോ കോപ്പി കയ്യില് വക്കാം...എപ്പോളാ ആവശ്യം വരുക എന്ന് പറയാന് പറ്റില്ലല്ലോ..
1 comment:
very gud...
Post a Comment